الضحك بالمجان ... ادخل وضحكلك شوي

Nour Tayeh الأربعاء يوليو 07, 2010 6:14 am

مرة واحد سكران
دخل على السوبرماركت , فسأل البياع :"عندك خبز ؟" , فرد عليه
البياع :"لأ" , راح على الدكانة إلي جمبو وقلو :"وإنتا عندك ولا لأ ؟"

. مرة واحد شحاد دخل المطعم ,, فقال للجرسون :"هاتلي بالله عليك وجبة رز
ولحمة وكوز لبن " , رد عليه الجرسون :"حاضر" ,, وبعد شوية أجى الأكل وأكل
وشبع وقال الحمد لله وضلو قاعد يستنى . عاد هلا ما بيعرف كيف يدفع الحساب
لأنو ما في فجيبتو ولا شيكل ولا ريال ولا حتى دولار , فكر شوية لقا حل ,,
مرق من جمبو زبون تاني إلا هوا الشحاد مد رجلو ووقع الزبون قدام كل المطعم
؛ فطبوا على بعض بكسات وشلاليط ونتفوا شوارب بعض كمان ,, المهم أجى صاحب
المطعم وقلهم شو القصة , الزبون الجديد قلو إياها على كيفو والشحاد ساكت
لحسن يقولوله هات الحساب , المهم عصب صاحب المطعم ومسك كوز اللبن ورشقو في
وجه الشحاد ,, فطلع الشحاد وهوا فرحان بيحكي :"الحمد لله طلعنا ببياض
الوجه " هههه .

. واحد غيرو بس هادا عندو شوية زوق ,, دخل على الكافيشوب , قل للراجل
:"واحد قهوة سادة وواحد شيشة وواحد ويسكي وواحد يدفع الحساب " .

مرة راجل بعت إبنو على الدكانة عشان يشتريلو علبة سكاير فأعطاه مبلغ
كبير (ورق) وقله لما يرجعلك الباقي إصحك يعطيك الورق تعبان (مكعفش) لحسن
ميمشيش " , قله :"حاضر يابا " , راح اشترى ورجع فبيعطي أبوه المصاري , إلا
هوا فيهم ورقة تعبانة ومجعلكة وحالتها على الله فالوالد بيحكي لإبنو
:"الله يلعن أبوك يا حصان مش أنا قلتلك ما تجيبش الورق تعبان لحسن ما
يمشيش " ,, إلا هوا إبنو طلعلو مرارتو وقلو :"يابا أنا من أول بعرف إنو
الورق عمور ما بيمشي وحتى الورق الكويس " , رد عليه أبوه مستغرب :" طيب هي
هادي الورقة (عشرين شيكل) لو وديتها على دكانة بتمشي " , قله إبنه :"
وحياة الله عمرها ما بتمشي , طيب إيش رايك نجرب , حطها على الأرض وإذا
مشيت راح أقصلك إيدي " .

. سواق تاكسي سأل واحد واقف في الشارع :" لوين رايح يا سيدي الباشا ؟" ,
رد عليه :" على الجامعة " , قله السواق :" روح الله معك بس لا تتأخر
!!!!!!!!!!!! "

. واحد غبي حب يحكي نكتة , بيقول لصاحبه :" قل لي من تعاشر أقول لك من
أنت " , قله صاحبه :" من تعاشر ؟ " , رد عليه الغبي :" من أنت ؟ "

. مرة واحد مكوّك فتح الثلاجة لقى صحن المهلبية عم بيرج ,, قال للصحن :"ما تخاف جاي أشرب مي "

. مرة حكموا على نكتة بالإعدام ,,, تعرفوا ليش ؟ , لأنها موتت واحد من الضحك .

. ولد في صف أول ابتدائي روح على الدار فبيقول لأبوه :"يابا أستاذنا الحساب أهبل , إمبارح قلننا 3+2= 5 واليوم بيقلنا 4+1=5 "

. الأستاذ يسأل طالب :" ما هي أكثر كلمة يستخدمها الطلاب ؟" , الطالب :" لا أعرف يا أستاذ " , الأستاذ :" أحسنت " .

. دكتور أمراض نفسية في مستشفى المجانين عاوز يختبر 3 مجانين , رسملهم
باب على الحيط وقلهم روحوا افتحوا عشان يشوف مين أذكى واحد فيهم ,, راحوا
تنين يحاولوا يفتحوا والثالث ضلو مكانو وقعد يضحك ,, سأله الدكتور :" ليش
ما رحت تفتح الباب مع أصحابك ؟ " رد عليه المجنون :" أصلا همة ما بيفهموش
لأنو المفتاح معي "

. مرة واحد راح زيارة على المقابر , وأخذ معاه شريط الحياة حلوة

. مرة شيخ في جلسة افتتاحية للزواج , طلبوا منه يقرألهم سورة ,, أخبط إلّا هوا قرأ سورة الطلاق .

. واحد أجنبي أسلم جديد ,, أجا معاد الحج , قال بأروح أحج مع إخواني
المسلمين , المهم يوم عرفة شاف المسلمين بيرموا حجارة على إبليس , إلا هوا
راح ولع كوشوك ورماه قلك مهية مسيرة

. مرة الشاي عم يحكي للسكر :" آخ منك يا حلو !!!" , رد عليه السكر :" مهو إنتا إلي مدوبني "

. واحد سكران طلع الجوال إلا هوا بيقول لأخوه ,, أكتبلي رسالة خطي مش حلو .

. واحد نذل اتصل على مطعم سألهم :" عندكوا عشا " , ردو :" آه عنا " , قلهم :" ليش ما عزمتوني " .

. أستاذ العربي كلف الطلاب يعملوا موضوع تعبير عن مباراة كرة قدم , جاب
طالب كسلان موضوع قال فيه :" ذهبت إلى الملعب , وكان الجو ماطرا , الأمر
الذي دعا الحكم إلى إلغاء المباراة " .

. محشش اتصل بالخطوط , سألهم :" كم تستغرق رحلة جدة إلى بانكوك " , رد عليه السكرتير :" لحظة " . قال المحشش :" شكرا " .

. شرطي مرور وقف محشش قلله :" النمرة الخلفية بتختلف عن الأمامية " , رد عليه المحشش :" طبيعي جدا هوا وشك زي أفاك ؟ "

. مرة واحد عجبو دزدان في السوق , قال لصاحبه :" هادا الدزدان عجبني " , قله صاحبه :" طيب فش على زعتر "

. واحد سكران راح يعزي , وبعد ما روح سأله واحد :"إنتا عزيت ؟" , رد عليه :" لأ على الديزل "

. صوص بيرقص في الشارع , شافه ديك قله :" ما عندك أهل يربونك ؟" , رد عليه :" لأ تفقيس مكاين

. واحد أهبل شبت النار في أمه قلها :" منورة يا حجة "

. اثنين قعدوا يحششوا في قفص الدجاج , ثاني يوم طلع الديك يقول كووووكايين

. سمع أحدهم وهو يقود سيارته في أحد الأرياف امرأة تقول له بصوت عال :
حمار .. ففتح نافذته وصرخ بوجهها : بقرة .. ولكنه اصطدم بحمار فعلاً .

. الزوج: عزيزتي .. اعتقد ان ابني حصل على هذا العقل الكبير مني ؟ الزوجة: و انا اعتقد ذلك لان عقلي ما زال في رأسي

قال أحد الشيبان لصديقه : زمان كانت النساء تجري ورائي !الصديق : والآن ؟الشايب : لا .. فلم أعد أسرق شنط النساء

ندوش الأربعاء يوليو 07, 2010 6:29 am

وااااااااااااو كتير حلوات شكرا نور

الضحك بالمجان ... ادخل وضحكلك شوي Icon_razz

الضحك بالمجان ... ادخل وضحكلك شوي

الضحك بالمجان ... ادخل وضحكلك شوي

رد: الضحك بالمجان ... ادخل وضحكلك شوي